Unha persoa ferida nun accidente na AP-53 en Lalín

Ecos da Comarca/Lalín

Este martes rexistrouse un accidente de tráfico na AP-53 no cal se viu implicado un único vehículo e se saldou cunha persoa ferida. O 112 Galicia foi alertado sobre as 14:30 horas.

Tal e como informa o 112 tratouse dunha saída de vía e o vehículo impactou contra o quitamedos. Ocorreu na AP-53 á altura aproximada do quilómetro 48 en Moneixas (Lalín) dirección Ourense.

Publicidade    

Preme na imaxe se queres contactar connosco.

"O condutor atopábase mareado polo que foi trasladado por Urxencias Sanitarias", indica o 112. Avisou ademais de Urxencias Sanitarias, á Garda civil de Tráfico e a Protección Civil de Lalín e tamén informou aos Bombeiros de Deza, que non tiveron que desprazarse ao non haber persoas atrapadas.