Ecos da Comarca/Xeral
Un accidente rexistrado esta mañá na estrada AC-460, á altura do quilómetro 1, na parroquia de Trasmonte (Oroso), deixou a unha persoa atrapada no interior do seu vehículo, tal e como informa o 112 Galicia.
O aviso foi recibido polo 112 Galicia ás 6:25 horas, grazas á chamada dun particular. Segundo a información facilitada, o condutor quedárase durmido ao volante, o que provocou a saída de vía e a posterior situación de atrapamento no interior do coche.
Publicidade
De inmediato, desde a sala de operacións do Centro Integrado de Atención ás Emerxencias 112 Galicia informouse aos Bombeiros de Ordes, que tiveron que empregar material de excarceración para liberar á vítima. Unha vez rescatada, a persoa foi trasladada en ambulancia polo persoal do Servizo de Urxencias Sanitarias de Galicia-061 ao Hospital Clínico Universitario de Santiago de Compostela.
Publicidade
Ademais, o 112 Galicia solicitou a colaboración da Garda Civil de Tráfico e dos efectivos de Protección Civil de Oroso para asegurar a zona e prestar apoio durante a intervención.
Commenti