Unha muller ferida tras caer ao interior dun lavadoiro

Ecos da Comarca/Xeral

Unha muller caeu no interior dun lavadoiro en Baltar. A ferida foi conducida ao Complexo Hospitalario Universitario de Ourense (CHOU) debido ás lesións provocadas pola caída, tal e como informa o 112 Galicia.

O 112 Galicia tivo coñecemento do suceso preto das 19 horas deste martes mediante un aviso de Urxencias Sanitarias de Galicia-061. Segundo explicaron membros do servizo, a muller estaba xa fóra da pía, pero necesitaba asistencia médica. De feito, estaba en camiño unha dotación a bordo do helicóptero medicalizado con base en Ourense.

Publicidade

Preme na imaxe para obter máis información do evento.

Ademais, desde o 112, solicitouse a intervención dos axentes da Garda Civil de Tráfico, que comprobaron a secuencia dos feitos e confirmaron que a señora ía ser trasladada, finalmente, en ambulancia.

Publicidade

Preme na imaxe se queres contactar connosco.

Cómpre sinalar que o accidente produciuse nun lavadoiro situado na Rúa Outeiriño, en Baltar.