Ecos da Comarca/Silleda
Un home resultou ferido ao saírse da vía o coche no que circulaba e bater contra un transformador no lugar da Bandeira, en Silleda.
Ocorreu na rúa Chousa Grande, uns minutos antes da unha menos cuarto da pasada noite.
O home ferido tivo que ser excarcerado polos Bombeiros de Silleda, ao quedar atrapado no interior do vehículo accidentado. Posteriormente, foi atendido por un equipo médico desprazado ata o lugar do sinistro.
Nada máis ter coñecemento do accidente a través de varias persoas particulares, o persoal do CIAE 112 Galicia pasou o aviso a Urxencias Sanitarias de Galicia-061, aos Bombeiros do Deza, á Garda Civil de Tráfico e a empresa subministradora da electricidade.
留言