UCIN alerta de que cúmprese unha semana sen o servizo do helicóptero do 061 dende Santiago

Ecos da Comarca/Xeral

A Unión de Cidadáns Independentes (UCIN) ve inadmisible a falta dun helicóptero do 061 en Galicia. "Estes helicópteros de soporte vital avanzado poden proporcionar asistencia médica no lugar a pacientes extremadamente críticos, polo que esta situación trátase dun caso de abandono de funcións con risco para a cidadanía. Cúmprese unha semana sen servizo de helicóptero medicalizado dende Santiago. Só está dispoñible para toda Galicia o que ten base en Ourense, o que ocasiona un evidente prexuízo a diversas zonas cercaneas á comarca de Compostela e outras incluso máis afastadas, ao demorarse a atención en posibles accidentes ou emerxencias".

O helicóptero do 061 na súa base en Santiago. Autor: Ecos da Comarca.

Incluso, sinala, que este martes "a Asociación de Defensores do Paciente enviou unha carta ao fiscal superior da comunidade, Fernando Suances, Fiscalía Superior de Galicia, que o servizo de Urxencias Sanitarias 061 da Xunta está sen un dos seus dous helicópteros dende o pasado venres. Concretamente, trátase do que ten a súa base en Santiago de Compostela, que sufriu unha avaría técnica o venres 28 que o deixou inoperativo".

Publicidade

Preme na imaxe se queres contactar connosco.

O coordinador de UCIN en Galicia, José Luis Calo, sinala que se “trata dun caso de abandono de funcións con risco para a cidadanía, polo que esixe explicacións urxentes ao goberno da Xunta para que tome as medidas correspondentes e aborde a raíz deste grave problema. Non podemos permitir que se poña en perigo a saúde dos galegos”.