Todos teñen antecedentes e son veciños de Lugo, Santiago e da propia localidade melidense
Ecos da Comarca/Melide
A Garda Civil detivo a tres homes e está investigado un cuarto, todos eles con múltiples antecedentes, como presuntos autores do robo con forza de más de 100 baterías en Melide.
Tal e como informa o Instituto Armado, todo ocurriu a raíz dunha denuncia interposta pola vítima o pasado decembro no Cuartel da localidade. As baterías estaban almacenadas nun solar cerrado.
Tras a denuncia, iniciouse unha investigación por parte do Equipo Roca da Garda Civil de Santiago. As súas pesquisas e todo o traballo realizado levou á Benemérita á detención de tres persoas e outra está investigada, todas elas veciñas de Lugo, Santiago e da propia localidade melidense.
Ademais, todo o material substraído, cuxo valor ascende aos 1.200 euros, foi recuperado. Os detidos xa pasaron a disposición do Xulgado de Instrucción número 1 de Arzúa.
Comments