Silleda continúa a mellorar a seguridade viaria nas pistas do rural

Nos últimos días colocáronse biondas en estradas de Moalde e Negreiros e tamén espellos en varios cruces para reforzar a visibilidade

Laura Moure/Silleda

O Concello de Silleda segue a mellorar e reforzar a seguridade viaria nas pistas do rural. Así, nas últimas semanas procedeuse á colocación de varios tramos de biondas en distintos puntos, ante a existencia de desniveis pronunciados nas estradas.

Estas barreiras quitamedos foron instalados na parroquia de Moalde, na pista que une esta localidade ca da Bandeira, e tamén na de Negreiros, no lugar de Riocalvo, nun viario paralelo á Nacional Santiago-Ourense. A súa colocación veu dada para reforzar a seguridade evitando situacións de perigo.

Publicidade

Preme na imaxe para obter máis información.

Ademais destas barreiras, tamén se procedeu á colocación doutros elementos de seguridade viaria como espellos en varias interseccións, en localidades como Rellas, Oleiros e Saídres, onde previo informe policial (ao igual que no caso das biondas anteriores) se optou por esta medida para mellorar a visibilidade das persoas condutoras.

Publicidade

Preme na imaxe se queres contactar connosco.

Estes elementos foron adquiridos polo Concello de Silleda con cargo aos remantentes de anos anteriores da cantidade que lle corresponde á entidade do Plan Máis Provincia da Deputación.