Silleda acolle o XXXI Festival Bandas de Música de Silleda e o XVI Festival de Bandas Infantís e Xuvenís de Silleda

Será esta fin de semana

Ecos da Comarca/Silleda

A Banda de Música Municipal de Silleda celebra esta primeira fin de semana de abril os seus dous festivais: O sábado día 5, a formación anfitriona estará acompañada da Banda Unión Musical de Meaño no XXXI Festival de Bandas de Música de Silleda e o domingo día 6 será o festival das formacións infantís e xuvenís, da Agrupación Músico – cultural de Ribadumia como formación convidada no XVI Festival de Bandas Infantís e Xuvenís de Silleda.

O Festival de Bandas de Música de Silleda constitúe o elemento central do programa de actividades que leva a cabo a Banda de Música Municipal de Silleda, e constitúe xunto coa Escola de Música a principal área de traballo da Agrupación.

Este Festival xorde no ano 94, como consecuencia do intercambio realizado entre a Banda de Música de Silleda e a Banda de Música de La Gineta (Albacete). A presenza en Silleda desta banda manchega fai que se pense na creación dun festival, no que participe ademais unha banda galega de recoñecido prestixio, e, por suposto, a banda anfitrioa. Debido á realización de intercambios con outras bandas non galegas en anos posteriores, a estrutura do festival manterase en sucesivas edicións, contando sempre cunha Banda de fóra de Galicia, unha Banda galega, e a Banda de Música de Silleda.

"O Festival constitúe unha oportunidade de escoitar Agrupacións musicais de recoñecido

prestixio, tanto da nosa Comunidade como de fóra, nun lugar de excelentes condicións acústicas, como é o Auditorio da Semana Verde de Galicia, e contando cunha organización que fai que o público se sinta cómodo e a gusto. Este feito é mais importante se temos en conta o carácter rural da comarca de Deza, o que fai imposible o acceso a certas actividades nas mesmas condicións en que se podería facer nunha gran cidade", sinala a formación musical.

É punto de encontro de músicos de toda Galicia, e de fóra de ela, ben como intérpretes ou

ben como oíntes. Neste sentido é tamén unha maneira de acercala música ó pobo e de dignificar o traballo dos músicos, non sempre valorado no seu xusto termino, eliminando por unha banda o carácter elitista que por veces se lle adxudica á música de calidade, e por outra facendo ver que esta calidade é posible atopala en algo tan próximo e tan familiar como son as Bandas de Música, tal e como engade.

Publicidade

Preme na imaxe se queres contactar connosco.

Xa na xornada do domingo día 6, tocaralle o turno á canteira silledense co XVI Festival de

Bandas Infantís e Xuvenís de Música de Silleda. Ademais da actuación das dúas formación locais, a Banda Infantil e a Xuventil de Silleda, tamén participará na xornada a Banda da Escola de Música da Lira de San Miguel de Oia. A cita será ás 17:30 horas, tamén no auditorio da Semana Verde.

Este festival celebrouse por vez primeira no ano 2.008 co motivo de dar a coñecer o traballo que fan as formacións deste tipo, ao mesmo tempo que se crea unha xornada de convivencia entre as distintas agrupacións.

O cartaz desta última cita é autoría dunha alumna da Escola de Música de Silleda, Naia Goldar Frade, elixido no concurso no que participou o alumado do centro.