Prende lume nun garaxe anexo ao tanatorio de Sobrado dos Monxes

Ecos da Comarca/Sobrado dos Monxes

O inmoble afectado polo incendio. Autor: Bombeiros de Arzúa.

Onte, venres pola noite, orixinouse un incendio no garaxe anexo ao tanatorio de Sobrado dos Monxes, que só se saldou con danos materiais. Un particular avisou ao 112 Galicia ás 23:18 horas. "Indicábanos de que vía saír chispas e fume do interior deste inmoble", sinala o 112.

Publicidade

Preme na imaxe para obter máis información!

Con estes datos, o 112 Galicia avisou aos Bombeiros de Arzúa, ao GES de Curtis e á Garda Civil.

Publicidade

Preme na imaxe se queres contactar connosco.

"Arderon uns estantes e o que había almacenado neles. Ademais, pola calor do lume víronse afectados catro vehículos, entre eles tamén unhas bicicletas, que estaban no interior, pero foron danos puntuais, non arderon por completo", puntualiza o 112.