Pelegrín, unha rubia galega de Sobrado, competirá para ser a Miss Vaca 2024 de Luar

As votacións abriranse durante a emisión do programa desta noite, a partir das 22 horas

Laura Moure/Sobrado dos Monxes

Sobrado estará este venres noite pendente da televisión, concretamente do programa Luar da Televisión de Galicia e do concurso Miss Vaca 2024, pois unha “veciña” preséntase este ano pola provincia da Coruña. Pelegrín, de case tres anos de idade e loura galega de raza, pelexará por alzarse co recoñecemento nun dos concursos máis populares da televisión galega.

As votacións terán lugar durante a celebración do programa, que se emite hoxe, venres, a partir das 22 horas. A vaca pertence á Gandería Varela de Sobrado, rexentada polo veciño Álvaro Varela, que se iniciou con esta actividade fai uns tres anos. O xerente da gandería destaca que “Pelegrín é un animal moi nobre, que destaca pola súa beleza e a súa cor”. Segundo indica “nós antepoñemos ou benestar do animal, preocupándonos polo seu coidado e a súa saúde, por iso preferimos non ter tantos animais, facendo unha gandeiría a pequena escala e que vos que temos gocen dúas mellores coidados posibles”. “O obxectivo principal da nosa entidade é chegar a ter as mellores vacas de Galicia, de España e mesmo do mundo” engadiu.

Publicidade

Preme na imaxe se queres saber máis deste evento.

A Gandería Varela, segundo explica o seu xerente, vén de herdanza familiar, pois tanto o seu pai como o seu avó dedicábanse xa ao mesmo negocio. É a primeira vez que se presentan a concursos de beleza como este, pero a gran acollida que están a ter, segundo comenta, “estanos a animar a seguir presentando aos nosos animais a certames deste estilo”.

Publicidade

Preme na imaxe se quere contactar connosco.

Desde o Concello de Sobrado animan a todos e a todas a envorcarse este venres con Pelegrín para que consiga alzarse co título de Miss Vaca 2024.