Destrozan o meco de Amarai e o photocall do amor da AECA
Laura Moure/Arzúa
Esta semana produciuse máis dun acto vandálico en Arzúa. Uns malnacidos romperon o meco da Asociación de Personas con Discapacidad de Arzúa y Tierra de Melide (Amarai) e tamén se cebaron co photocall do amor da Asociación de Empresarios e Comerciantes de Arzúa instalado na Praza de Galicia con motivo do Día de San Valentín.
![](https://static.wixstatic.com/media/0216be_be6e3e7146774c0a96b2e081327d4d54~mv2.jpg/v1/fill/w_980,h_1307,al_c,q_85,usm_0.66_1.00_0.01,enc_auto/0216be_be6e3e7146774c0a96b2e081327d4d54~mv2.jpg)
"Desde o Concello de Arzúa mostramos a nosa repulsa e rexeitamento ante actos vandálicos que xente incívica acaba de cometer no noso concello destrozando o Meco que a Asociación Amarai tiña exposto na entrada das súas instalacións. O noso apoio e recoñecemento a esta asociación polo seu bo facer", indica o Concello.
"Parece ser que o traballo duns é diversión para outros. Estamos decepcionadas e cunha pena terrible de atopar o noso traballo, ilusión e loita destrozadas desta maneira. VÉNDESE DISCRIMINACIÓN E RÓGASE INCLUSIÓN, queiran ou non", lamenta Amarai.
Publicidade
"Dende AECA condenamos os actos de gamberrismo acontecidos na tarde de onte no photocall instalado na Praza, e amosamos o noso rexeitamento a estos comportamentos incívicos que perxudican o ben común. Estas conductas son o reflexo da pouca educación e conciencia que hai ...", sinala a Asociación de Empresarios e Comerciantes de Arzúa.
Publicidade
Comments