Sinala que "Lalín representa ao peche de 2023 un terzo de toda a débeda provincial"
Ecos da Comarca/Lalín
A secretaria xeral do PSOE de Lalín, Alba Forno, denunciou onte "a nefasta xestión económica do goberno de José Crespo, despois de coñecerse os ndatos publicados recentemente polo Ministerio de Facenda sobre a débeda viva das entidades locais. Os informes revelan que Lalín pechou o ano 2023 cunha débeda case 10 millóns de euros, situándose á cabeza da provincia de Pontevedra e representando un terzo da débeda provincial, moi por diante doutros concellos da mesma dimensión".
A socialista destaca que o anterior goberno de coalición "deixara as contas municipais a débeda cero, unha situación que cambiou drasticamente coa volta do PP ao poder,
demostrando a incapacidade deste partido para xestionar os recursos públicos de maneira
eficiente. Cada lalinense debía en 2023 500 euros pola pésima administración dos recursos municipais e pola tan típica política do despilfarro de Crespo”, sinalou Forno.
Publicidade
O PSOE de Lalín tamén denuncia que "mentres o Concello se volve endebedar ata cifras
históricas, os veciños sofren un aumento de impostos que supera o 25%, situando o IBI
en Lalín case ao nivel do que se paga na rúa Castellana de Madrid”, ironiza. “Mentres en
Madrid Feijóo pide conter a débeda, aquí afogan economicamente o Concello e asfixian
aos cidadáns con subas impositivas desproporcionadas”, sinala Forno, para quen esta
situación demostra que a “suposta boa xestión económica do PP é unha completa falacia”.
Comments