O programa 'Camiños de coñecemento e experiencia' volve a Melide no mes de maio

Está dirixido ás persoas maiores de 50 anos e é necesario anotarse

Laura Moure/Melide

O programa da USC Camiños de coñecemento e experiencia regresa en maio ao concello do Melide para ofrecerlles formación universitaria ás persoas maiores de 50 anos. Esta iniciativa inclúe seis sesións. A matrícula é gratuíta, pero é necesario anotarse previamente.

Publicidade

Preme na imaxe se queres contactar connosco.

Esta edición terá lugar en Melide os días 12, 13, 14, 15, 20 e 23 de maio en horario de 16:30 a 18:00 horas no Multiusos de Melide. Serán espazos de encontro e formación sobre as especies arbóreas na terra, a orixe do culto xacobeo e a alfabetización audiovisual e expresión fílmica.

Os interesados deben anotarse no Consistorio de Melide de luns a venres de 9:00 a 14:00 horas ou a través do seguinte formulario https://forms.office.com/e/YBaW6vSht9