O Concello de Silleda renova o canalón do pavillón municipal César G. Fares

Estes traballos súmanse a outras tarefas de mantemento en instalacións deportivas e reparacións necesarias por mor do temporal nas últimas semanas

Ecos da Comarca/Silleda

O Concello de Silleda vén de acometer os traballos de substitución do canalón lateral do pavillón municipal César González Fares de Silleda, para evitar filtracións no interior das instalacións. O deterioro deste canalón estaba a causar problemas na zona das gradas, polo que se apostou pola súa renovación. A actuación foi adxudicada á empresa Decotec, por importe de 9.600 euros.

Publicidade

Preme na imaxe para obter máis información do evento.

Estes traballos, que se acometeron nos últimos días aproveitando o bo tempo, virán a mellorar as condicións de aillamento desta instalación deportiva, unha das máis utilizadas do municipio con actividades a diario.

Publicidade

Preme na imaxe se queres contactar connosco.

Así mesmo, os traballos súmanse a outras reparacións necesarias de mantemento en instalacións deportivas e outras provocadas polos últimos temporais, caso da rede protectora no campo de fútbol de Silleda, onde as fortes rachas de vento dobregaron a estructura.