O custe é de 15 euros por mes e para anotarse as persoas interesadas deben inscribirse
Ecos da Comarca/Silleda
O Centro Social de Silleda acollerá dende abril e ata xuño un curso da baile tradicional para foliada dirixido a persoas adultas. As clases serán os mércores, en horario de 18:45 a 19:45 horas, comezando xa a vindeira semana, o mércores día 2.
O custe é de 15 euros por mes e para anotarse as persoas interesadas deben inscribirse chamando ao teléfono 616 489 757. Hai un máximo de 20 prazas.
Publicidade
Esta iniciativa virá a sumarse á programación que se está a deseñar dende o Concello de Silleda arredor do Día das Letras Galegas, adicado este ano ás cantareiras e que se levará a cabo en colaboración con agrupacións e colectivos do municipio ao longo do mes de maio. Nos vindeiros días darase a coñecer a proposta poñendo no foco a figura das cantareiras e a tradición oral.
Comments