O Centro Comercial Aberto de Arzúa sortea unha viaxa na súa campaña polo Día da Nai

Está prolongase dende o pasado mércores ata o 4 de maio

Laura Moure/Arzúa

O Centro Comercial Aberto de Arzúa presenta a súa campaña de dinamización comercial “Sorteo Especial DÍA DA NAI”. Dentro de esta promoción, tódalas persoas maiores de idade que realicen mercas no CCA Arzúa e agasallen cos establecementos asociados por un importe superior a 15 euros participarán no sorteo dunha estupenda escapada. Deste xeito, os clientes que efectúen unha merca nalgunha tenda asociada durante a campaña e segundo establecen as bases entrarán no sorteo de 1 BONO DE VIAXE que poderá ser canxeado nunha axencia de viaxes segundo a preferencia da persoa premiada.

A campaña prolongarase dende este mércores 23 de abril ata o domingo 4 de maio; Día da Nai, e os clientes para poder participar deberán depositar un tícket na urna de AECA, habilitada para tal fin no mostrador das tendas do CCA, anotando no reverso o seu nome e apelidos xunto cun número de teléfono ben lexible.

Publicidade

Preme na imaxe para obter máis información do evento.

Tras a celebración do Día da Nai, AECA procederá a realizar o sorteo o 7 de maio, en directo dende a emisora de Radio Arzúa, momento no cal se fará público o nome do cliente gañador desa estupenda viaxe. Así mesmo, AECA tamén dará conta do resultado do Sorteo Especial Día Nai a través das súas redes sociais e da páxina web: www.aecomarcadearzua.com onde xa se poden consultar as bases de participación.

Publicidade

Preme na imaxe se queres contactar connosco.

Con esta iniciativa, que ven premiar a predilección polo comercio local arzuán, o colectivo empresarial da Comarca de Arzúa anima a veciños e visitantes a realizar as compras nas súas tendas de proximidade, onde destacan que a pequena tenda física sempre pode ofrecer ao cliente unha mellor experiencia de merca ca os xigantes online ou as grandes superficies.