Na apertura e o domingo acollerá sendas actuacións
Laura Moure/Santiso
O verán está xa á volta da esquina e sinal de que está máis cerca ca nunca é que o bar da área recreativa da Cornella, no municipio de Santiso, xa ten data de apertura. O día será mañá, venres 4. Baixo o nome A Cabana da Cornella chega cun cartel cheo de actividades.
O venres 4 a apertura será ás 17:00 horas e a xornada estará amenizada pola charanga Leña Verde. Haberá churrasco e pinchos.
O sábado 5, en horario de 12:00 a 23:59 horas, poderase degustar racións, copas... e tampouco faltará música.
O domingo, 6, tamén abrirá no mesmo horario e pola tarde, actuarán Zeus RB & Santi Pulido.
Seguiranse todas as medidas para frear a pandemia.
E ademais, instalaron unha carpa para celebrar eventos.
A carpa onde celebrarán eventos.
Autor: A Cabana da Cornella.
Comments