Laura Moure/Arzúa/Melide
Onte presentouse na Casa de Correos de Arzúa a I Carreira Terra do Queixo, unha proba que se celebrará o 9 de marzo e que combina deporte, tradición e patrimonio, servindo como pistoletazo de saída da Festa do Queixo. Este evento nace coa vontade de consolidarse como unha cita deportiva de referencia e de unir a práctica deportiva coa identidade cultural do noso concello, así como coa promoción do comercio local.
Publicidade
A proba está organizada polo Concello de Arzúa, a SD Compostela Tambre-Lengüelle e a Federación Galega de Atletismo. Ademais, conta coa colaboración de Toldos Gómez (TGM), LamasBike, Turismo de Galicia, Concello de Melide, Consello Regulador DOP Arzúa-Ulloa e Eroski, entidades que contribúen a facer posible esta primeira edición.
O alcalde, Xoán Xesús Carril, destacou que “esperamos que esta sexa a primeira de moitas edicións e que acabe por consolidarse como unha cita deportiva de referencia. De cara ao futuro, estudaremos a posibilidade de incorporar unha proba de 21 km”.
Desde a Alcaldía, exprésase un especial agradecemento a Pachal, técnico de deportes, e a todas as traballadoras e traballadores implicados, cuxo esforzo será clave para o éxito desta carreira.
No acto de presentación tamén interviñeron: Ignacio Seijo, director da SD Compostela Tambre Lengüelle; Antonio Riveira, responsable de seguridade viaria da proba e Iván Sanmartín, presidente da Federación Galega Atletismo. A proba terá lugar o 9 de marzo con saída ás 10:00 desde a Igrexa de Santa María en Melide e a con chegada naCapela da Madanela en Arzúa.
"Desde o Concello reafirmamos o noso compromiso co deporte, coa promoción do noso patrimonio e co impulso ao comercio local, convidando a toda a veciñanza e visitantes a participar nesta primeira edición, que marcará o inicio dunha nova tradición en Arzúa".
Comments