José Luis Calo de UCIN: "Alfonso Rueda é nocivo para Galicia"

O coordinador de UCIN Galicia escribe un artigo de opinión sobre o proxecto de Altri en Palas de Rei

José Luis Calo/Xeral

ARTIGO DE OPINIÓN

Compartimos en ECOS DA COMARCA este artigo de opinión que nos enviou José Luis Calo, coordinador de UCIN Galicia.

José Luis Calo.

"Alfonso Rueda é nocivo para Galicia"

"Un pesadelo nun espazo galego da Rede Natura, así podemos denominar ao que se nos vén encima. É inadmisible que unha enorme factoría de celulosa que usará millóns de litros de auga ao día e que verterá auga contaminada de volta aos ríos, emitirá gases tóxicos e poñerá en perigo os sectores primarios, déaselle o visto e prace. Coa noticia que nos levantamos hoxe (por onte) confírmase que dan por bos os cambios que realizou a empresa respecto ao proxecto inicial, prometendo que se usarán os que denominan como tecnoloxías avanzadas para a xestión da auga, mentira!

Publicidade

Preme na imaxe para obter máis información do evento.

Ao aprobar a Declaración de Impacto Ambiental á macrocelulosa de Altri, o señor Presidente da Xunta, Alfonso Rueda, pasa a pelota ao tellado do Goberno central. Así é o xogo dos actuais actores políticos, vémolo en cantidade de problemáticas que nos afectan día a día.

Publicidade

Preme na imaxe se queres contactar connosco.

Rueda continúa achandando o camiño para un proxecto «nocivo» que deberá contar igualmente coas licenzas e permisos legais. Señor Rueda 30 millóns de litros ao día de augas residuais contaminadas que verterá de volta ao río Ulla. A solución ten que ser clara e rotunda: NON PERMITILO. Queremos que Galicia siga sendo verde, que estea á vangarda do coidado ambiental e unha industria sostible".

José Luis Calo, coordinador de UCIN Galicia.