Fala dos festexos como un "elemento dinamizador do rural"
Ecos da Comarca/Monterroso
A conselleira do Medio Rural, María José Gómez, foi a encargada de dar onte o pregón das Festas de San Miguel de Monterroso, onde destacou os seus vínculos afectivos e profesionais con esta localidade lucense na que exerceu como profesora e vicedirectora no instituto da localidade durante seis anos.
“No ano 2011 cheguei aquí como profesora de inglés do IES de Monterroso, e teño que recoñecer que pasei grandes momentos. O mellor dun centro destas características é que
todos nos coñecíamos e iso permitíache ter una vinculación que ía moito máis aló do académico tanto coas familias como cos alumnos”, destacou.
Gómez salientou a importancia que teñen este tipo de festas como elemento dinamizador
das zonas rurais, favorecendo a actividade social e económica do municipio. Ademais, fixo
referencia á historia e ao pasado de Monterroso, estreitamente vencellado coa gastronomía, especialmente coa elaboración de queixo e o cultivo de castaña.
“Tedes un potente sector primario, a Feira de santos é un exemplo, un importante motor
económico e unha das máis antigas e importantes de Galicia, pois data de 1219. E tedes
uns soutos que, ademais de ser unha beleza, forman parte dunha das industrias máis
puxantes do municipio a día de hoxe: a da castaña”, remarcou a conselleira.
Publicidade
Para finalizar, animou aos asistentes a desfrutar desta festividade, que supón “un pulo
importante para a economía local”. A programación desta celebración estenderase ata o
vindeiro domingo.
Podedes consultala no seguinte enlace: https://www.ecosdacomarca.com/event-details/festas-de-monterroso-1
Dende o CONCELLO convídamos a todos a asistir e desfrutar da localidade:
Comments