Forno afirma que a rehabilitación integral de Donramiro será unha realidade se entra ao goberno

“A partir de maio poñerémonos a traballar para buscar o financiamento que Crespo

perdeu e darémoslle prioridade para que sexa unha realidade”, afirma a candidata

á Alcaldía de Lalín

Ecos da Comarca/Lalín

Na estratexia Lalín Ssuma 21, deseñada polo anterior Goberno e que acadou os fondos

DUSI para o Concello de Lalín, contemplábase na Liña de Actuación 9 a “REHABILITACIÓN DA ÁREA URBANA DE INTERESE CULTURAL E PATRIMONIAL DE DONRAMIRO”. Esta actuación xa foi deseñada polo PSdeG-PSOE de Lalín en 2015, posto que foi unha das propostas electorais daquel entón, tal e como lembran agora os socialistas.

Así sinala que no documento da estratexia recolleuse que: “La actuación propuesta consiste en:

1. Recuperar y humanizar el entorno más próximo a la Iglesia románica de Donramiro y

sus accesos principales.

2. Recuperar y señalizar los caminos que llevan al Castro de Donramiro y situar allí un

mirador

3. Musealizar los atractivos patrimoniales y turísticos de Donramiro antes descritos”.

Ademais, apunta que na estratexia destinábanse un total a ese investimento de 761.000 euros (do ano 2016 que foi cando foi aprobada). A disposición do Goberno entrante en 2019 quedaron os fondos necesarios perfectamente orzamentados e un estudio topográfico e de propiedades, xa que a zona do castro presentaba múltiples diferencias con respecto aos datos catastrais. Polo tanto, en 2019 algúns dos traballos previos estaban xa dispoñibles para o Goberno entrante, que só tería que darlle continuidade a este gran proxecto, asegura o PSOE.

“Agora atopámonos catro anos despois e xa sabemos con certeza que o Goberno vaille quitar a actuación de Donramiro arredor de 500.000 euros de fondos da UE que Crespo vai tirar ao lixo”, afirma a candidata socialista á Alcaldía, Alba Forno, e engade que este diñeiro “non chegará a Donramiro”. Despois de moito anunciar a intervención na zona da igrexa e o castro agora “atopámonos cun proxecto de mínimos que para nada é ambicioso e que pouco vai achegar a unha zona de valor histórico que esmorece a cada paso".

Preme na imaxe para acceder á web desta empresa.

Simplemente, subliña, "por interese electoral o PP foi demorando a obra para que non se relacionara co anterior Goberno no que estábamos os socialistas como responsables da área de urbanismo”, indica Forno. Ademais, puntualiza "que en numerosas ocasións, dende o Goberno anunciaron que si se faría esta obra e que non se perderían os cartos, pero mentiron, coma sempre".

"Para nós os socialistas esta obra é unha prioridade, os/as compañeiros foron quen de

que non se detivera o proxecto de Lalín de Arriba (ía máis avanzado pois non necesitaba

unha adquisición de terreos tan significativa) e cremos que Donramiro non pode ser

menos e a súa Historia é a de todo o Concello de Lalín teñen fondas raíces na contorna da Igrexa e o Castro, polo que non imos renunciar a completar o proxecto”, asevera a

candidata á Alcaldía.

Preme na imaxe se queres contactar connosco!

E por último, recalca que “a partir de maio poñerémonos a traballar para buscar o financiamento que Crespo perdeu e faremos realidade o que nunca se debeu deter. En troques de tirar grandes cantidades de diñeiro nunha praza sen sentido no centro de Lalín, dedicaremos a nosa atención a facer xustiza cunha débeda histórica: con Donramiro e co noso pasado”, conclúe Forno.