Edu Lavandeira será o pregoeiro da XXXIII Festa do Melindre e da Repostería Tradicional de Melide

Este ano dentro das distintas actividades da festa, terá lugar un Acto de Irmandamento con Santurtzi

Laura Moure/Melide

O Hotel Lux de Melide foi o escenario escollido este venres para presentar a XXXIII Festa do Melindre e da Repostería Tradicional. O acto correu a cargo do alcalde do municipio, José Manuel Pérez, do concelleiro de Promoción Económica, Xosé Igrexas, e por Alberto Rodríguez, mestre artesán da Pastelería Estilo de Melide e presidente da Asociación Melide Terra Doce. A cita celebrarase o 10 e 11 de maio, pero dende o Concello están levando a cabo distintas actividades vencelladas con ela dende principios de ano.

Este ano dentro das distintas actividades da festa, terá lugar un Acto de Irmandamento con Santurtzi. O nexo afectivo con este concello ten a súa orixe na gran cantidade de

melidenses que tiveron que emigrar noutro tempo a Euskadi. Alí os galegos morriñentos

necesitaron asociarse, ao igual que noutras localidades, e formaron o 6 de abril de 1969 a

Casa de Galicia en Santurtzi, esta asociación traballou arreo polos galegos e a nosa cultura na diáspora. Durante a cita farase Embaixadora desta festa á alcaldesa de Santurtzi, Karmele Tubilla, que sempre estivo ligada ao tecido cultural e social da vila de Santurtzi, un municipio que destaca pola ampla oferta cultural e deportiva, elementos que reflicten a identidade dos e das santurtziarras. Poñendo en valor a historia e tradicións locais.

Ademais, dentro deste irmandamento poderase desfrutar en Melide da música de varias agrupacións musicais desta localidade, coma o grupo de baile Zugaitza Dantza Taldea, os Cabezudos Santurtziko Erraldoien Konpartsa e gaita Galega e a banda de música folk KORRONTZI.

O Pregoeiro da 33 Festa do Melindre

Onte durante a presentación tamén se desvelou quen vai ser o pregoeiro desta celebración. Será Edu Lavandeira (Vigo, 1981), que é director e creativo audiovisual con numerosos documentais e programas de entretemento no seu currículo. Gañador do Premio Mestre Mateo ao Mellor Programa de TV por Buscadores de Naufraxios. A súa carreira sempre estivo relacionada cos medios de comunicación e o entretemento audiovisual. Apaixonado da gastronomía, especialmente dos pans, das masas e das pizzas, creou a primeira serie documental dedicada a este ancestral alimento: “Maestros del Pan” e publicou dous libros Planeta PAN e Pan Galego. Toda a súa familia materna é de Melide, de onde toma o apelido, Lavandeira. E a Melide faille unha longa homenaxe no libro Pan Galego, no que inclúe algunhas elaboracións que ten na súa memoria ou na da súa nai, como a torta (pan baixo e pouco cocido) ou as rosquillas de sartén. Ademais, acumula case dous millóns de seguidores entre Instagram, Tik Tok e YouTube onde

triunfan os seus virais vídeos de elaboracións.

El, xunto a Karmele Tubilla e A Casa de Galicia en Santurtzi serán nomeados Embaixadores da Festa do Melindre.

Publicidade

Preme na imaxe se queres contactar connosco.

En canto as actuacións os protagonistas serán: Sen Patróns, De Ninghures, charanga Os Caliqueños, Rogelio 3, Herba Grileira, Froito Novo e Bicoia.

Ademais, nesta edición os locais de hospedaxe e de hostalaría axudarán na difusión da festa co agasallo dos doces típicos melidenses durante Semana Santa e tamén con manteis.

Participantes:

Hotel Lux Melide

Hotel Carlos 96

Pensión Esquina

Hotel Xaneiro

Pensión Xaneiro

Pensión Orois

Pensión Berenguela

Pensión El Molino

Pensión A Codeseira

Pensión San Antón

Pensión Pereiro

Chiquitín

Pensión Ferradura

Casa A Ferradura

Establecementos

de Restauración:

Parrillada El Molino

Hotel Xaneiro

Hotel Carlos 96

Restaurante A Codeseira

Mesón O Toxo

Raxería Ramos

Parrillada Rúa

Cafetería A Solaina

Pulpería Ezequiel

Pulpería A Garnacha

Gastroteca A Boa Vida

Viñoteca A Boa Viña

A Bodeguilla

Adega Mandil

Tapería Nós

Bar Liñares

Dúas Rúas

Bodega Curros

Cafetería Malavida

Chiquitín

Jacaranda

Casa Ferradura

*NOS VINDEIROS DÍAS PUBLICAREMOS VÍDEO DA PRESENTACIÓN.

Programación.