Dúas persoas trasladadas ao hospital por unha posible intoxicación de CO nunha vivenda en Arzúa

Ecos da Comarca/Arzúa

Os bombeiros do Parque Comarcal Provincial de Arzúa recibiron hoxe, sábado, 12 de abril, ás 9:12 horas un aviso para intervir nun operativo nunha vivenda en Boente de Arriba, no concello de Arzúa, tal e como informa o gabinete de prensa do Consorcio Contra Incendios.

Publicidade

Preme na imaxe para obter máis información do evento.

No mesmo, dúas persoas tiveron que ser trasladadas ao Hospital Clínico Universitario de Santiago por unha posible intoxicación de monóxido de carbono (CO) debido á mala combustión da cociña de leña da casa.

Publicidade

Preme na imaxe se queres contactar connosco.

Á súa chegada ao lugar, o espazo estaba completamente ventilado. Os bombeiros realizaron os traballos de medición, descartando a presenza de gases tóxicos.