Dúas persoas feridas tras envorcar un coche na A-54 en Melide

Ecos da Comarca/Melide

Este sábado rexistrouse un accidente de tráfico na autovía A-54 que enlaza Palas de Rei con Melide. No mesmo viuse implicado un único vehículo e saldouse con dúas persoas feridas. O 112 Galicia foi alertado ás 17:59 horas.

O accidente de hoxe en Melide.

"Tratouse dunha saída de vía á altura do quilómetro 49, no concello de Melide, sentido Santiago de Compostela", informa o 112 Galicia. "Foi un particular que nos indicou que o vehículo quedara envorcado, pero non obstruía a circulación e que ao menos, unha persoa precisaba asistencia sanitaria", engade o 112.

Publicidade

Preme na imaxe se queres contactar connosco.

Con estes datos mobilizáronse a Urxencias Sanitarias, á Garda Civil de Tráfico e a Protección Civil de Melide. "Finalmente, Protección Civil indicounos que dúas persoas tiveron que recibir asistencia sanitaria", puntualiza o 112 Galicia.