Ecos da Comarca/Xeral
Dúas persoas foron evacuadas logo de colidir cos seus coches en Vilasantar. Ambos implicados eran feridos leves, tal e como informa o 112.
O 112 Galicia recibiu o aviso contra as 22:00 horas de onte por parte dun familiar dun dos implicados, o cal explicou que dous vehículos colidiran frontalmente en Mezonzo, preto dunha ponte sobre o río Tambre. Tamén indicou que había feridos, mais non revestían gravidade.
Decontado, os xestores do 112 Galicia informaron ao Servizo de Urxencias Sanitarias de Galicia-061, aos Bombeiros de Arzúa, ao GES de Curtis, á Garda Civil de Tráfico e á Agrupación de Voluntarios de Protección Civil de Vilasantar.
Publicidade
Logo da chegada dos servizo de emerxencias ata o punto, confirmouse que había dous feridos leves que tiveron que ser trasladados polo persoal sanitario.
Comments