Dúas persoas, evacuadas en helicóptero tras sufriren senllos accidentes con maquinaria agrícola na Estrada e Taboada

Ecos da Comarca/Xeral

Unha caída dun tractor e un corte nun pé cunha motoserra mobiliza a senllos helicópteros medicalizados con base en Santiago e Ourense para o traslado urxente de ambas dúas persoas feridas.

Foto de arquivo.

Os accidentes rexistráronse no 112 Galicia practicamente ao mesmo tempo, pasadas as 10:30 horas desta mañá, cun denominador común: o manexo de maquinaria agrícola, concretamente un tractor e unha motoserra.

Publicidade

Preme na imaxe se queres saber máis deste evento.

Ambas as dúas circuntancias deixaron dúas persoas feridas, unha no lugar de Pumares, na Estrada, onde unha persoa caeu do tractor e este pasoulle por encima, aínda que sen quedar atrapada. Pola outra banda, en Vilar de Cabalos, en Taboada, un veciño sufriu lesións importantes nun pé debido a un corte coa motoserra.

Publicidade

Preme na imaxe para contactar con nós.

Para a atención de ambos os dous feridos, solicitouse a intervención dos profesionais de Urxencias Sanitarias de Galicia-061, que decidiron enviar dotacións a bordo dos dous helicópteros medicalizados. Ademais, foron informados os axentes da Garda Civil e Policía Local, así como aos grupos de emergencias como o GES de Montorroso e Protección Civil de Taboada e o GES da Estrada.

Os feridos foron trasladados aos centros hospitalarios de referencia nos helicópteros.