Ecos da Comarca/Lalín
O atleta lalinense Beltrán Rivas conseguiu unha cuarta posición no Campionato de España Sub 16, celebrado en Expourense na pasada fin de semana. Este deportista do Atletismo Deza logrou este resultado participando nas probas combinadas e sumando un total de 3948 puntos, a tan só 59 do podio. Cabe puntualizar que Rivas mellorou a súa marca persoal.
Publicidade
Carreira do Cocido
Dende o Club lembran que as inscricións para a Carreira do Cocido do 30 de marzo continúan abertas ata a vindeira semana. Tamén indican que xa están dispoñibles os sorteos a través das redes sociais do club, en concreto dende Instagram (@atletismo_deza), nos que poderán gañar un cocido para dúas persoas en Casa Currás, outro en La Molinera, unha cesta de produtos de Piscofino e outra de Mel e Canela.
Comentários