Cruces solicita a Telefónica que repare as deficiencias nas telecomunicacións en diferentes parroquias

O Concello asegura que esta situación é “un perigo para a seguridade da cidadanía” da que a empresa ten constancia desde o primeiro momento

Ecos da Comarca/Vila de Cruces

O Concello de Vila de Cruces manifesta a súa preocupación polo mal estado do sistema de telecomunicacións, con postes caídos e cables rotos en diferentes puntos do municipio. "A pesar dos continuos avisos a Telefónica por parte do Concello e tamén de veciños particulares, a empresa de telecomunicacións fixo caso omiso desta circunstancia que supón un perigo para os viandantes e a veciñanza", tal e como sinala o propio Concello.

O Concello explica que, na estrada de Piloño a Brandomés, á altura de Pinlle, hai un cable caído a nivel do chan desde fai máis dun mes, “un perigo para a seguridade dos vehículos que circulan pola zona”. Protección Civil de Cruces sinalizou no momento o lugar con cinta vermella para avisar do perigo. Tamén en Pastoriza, na parroquia de

Brandariz, hai un poste caído.

Publicidade

Preme na imaxe se queres contactar connosco.

Ante esta pasividade, o Concello solicita a Telefónica que resolva o problema “no prazo

mínimo indispensable para evitar un accidente”. No caso de que a empresa de

telecomunicacións non resolva estas deficiencias, o Concello tomará outras medidas

para garantir a seguridade da cidadanía, “unha prioridade municipal nun asunto destas

características”.