O cruceño Emilo Montilla quedou Subcampión Galego M50, 14º da xeral e a A veciña de Dozón Tamara García ,4ª absoluta
Ecos da Comarca/Xeral
A gran cita do trailrunning galego tivo lugar a pasada fin de semana, o domingo
día 16 na localidade de Caldas de Reis, onde o Club Deportivo Biosbardo acudiu cun equipo, entre eles atletas dezás, a competir polos títulos individuais que estaban en xogo nun percorrido moi duro de 28 km con máis de 1770 metros de desnivel positivo. As prazas de selección e os títulos individuais master eran un engadido á competición, tal e como sinala o club.
Federico Losada – Campión Galego M45, entrando no 8º posto da xeral, mantívose á zaga do grupo de cabeza consolidando a súa praza para a selección galega.
Marcos Pascual – Campión Galego M40, cun 10º posto en meta, loitando constantemente con ‘Fico’ e garantizando tamén a súa presencia na selección galega.
O cruceño Emilo Montilla – Subcampión Galego M50, 14º da xeral
Fran Pascual – Bronce galego M40, 16º da xeral
O resto do equipo masculino fixo un gran traballo estando tamén preto das medallas nas súas categorías. Este é o seu resultado na clasificación xeral: Iván Barca (26), Jacobo Rodríguez (34), Juan Miguel Fdz (43), Jose Antonio Voces (62), Diego Indalecio (63), Manu Porto (70).
No apartado feminino o resultado foi o seguinte:
A veciña de Dozón Tamara García – 4ª absoluta, nunha carreira intelixente, ben xestionada e impecable, garantizando a súa presencia na selección galega.
Alba Rey – Bronce Galego M35, entrando en meta 8ª absoluta, a pesar de non sentirse ben, gran carreira.
Tere Dieste – Subcampioa Galega M45, entrando 10ª en meta.
Fanny Abelenda, entraba xusto detrás no posto 11ª.
Publicidade
"Tamén destacar a labor da corredora local, Enara Fernández que renunciaba a competir para facer a labor de estar de peche de carreira, algo de agradecer por parte de todo o tecido atlético", salienta o club.
Con estes resultados o CD Biosbardo garantiza 3 postos absolutos na Selección Galega, que partirá a Ibiza o 12 de abril ó campionato de España de Trail por Seleccións: Fico Losada, Marcos Pascual e Tamara García.
Comments