É totalmente gratuíto
Ecos da Comarca/Xeral
Os interesados aínda estades a tempo de anotar aos pequenos nos grupos da Escola de Carreiras por Montaña do GTR Galaico Trail Run. Para máis información tes que contactar por correo en gtrtrail@gmail.com ou no teléfono 641 84 21 04. Lévanse a cabo dende o 4 de setembro o 15 de novembro con punto de encontro no aparcamento do Lalín Arena.
"É totalmente gratuíto, tan só teñen que traer roupa axeitada para a práctica deportiva e o tempo que faga, auga e moitas gañas de pasalo ben e aprender", explica o club.
Publicidade
A iniciativa está impartida por Verónica Calvo Dopazo. Ela é adestradora de Carreiras por Montaña e licenciada en Ciencias da Actividade Física e do Deporte; mestra con especialidade de Educación Física; Máster de Nutrición; seleccionadora galega de carreiras por montaña e directora do programa de tecnificación desta disciplina na Federación Galega de Montañismo (FGM).
Publicidade
E tamén por Fran Dapena, que é adestrador en prácticas da FEDME, e a compañeira do GTR Cristina Couto.
Comments