Ecos da Comarca/Antas de Ulla
A Alternativa Veciñal de Antas de Ulla (AVA) propoñerá no vindeiro pleno da corporación municipal a compra pública da Fortaleza de Amarante.
Seguindo os pasos do acontecido co veciño Castelo de Pambre, a agrupación de Antas de Ulla diríxese ao concello para que "abra diálogo coas outras administracións e aproveiten entre todas a oportunidade para facerse cun Ben de Interese Cultural actualmente en venta e que está totalmente acondicionado e preparado para a súa apertura ao público", segundo explica María Gontá, concelleira de AVA.
Desta forma, propón ao Pleno da Corporación Municipal de Antas de Ulla o seguinte acordo:
Iniciar conversas coa propietaria da Fortaleza de Amarante para proceder á apertura de visitas no BIC ofrecéndolle o apoio do Concello.
Iniciar tamén conversas coas outras administracións para analizar a posibilidade de mercar a Fortaleza de Amarante e que pase a ser de titularidade pública e auténtico símbolo monumental de Antas de Ulla.
NOTICIAS RELACIONADAS:
Comments