Arzúa convoca unha reunión coa veciñanza para informar sobre o inicio das obras na rúa Calexa

Ecos da Comarca/Arzúa

O Concello de Arzúa celebrará o vindeiro martes 8 de abril, ás 20:00 horas, unha reunión informativa dirixida á veciñanza para explicar os detalles do inicio das obras na rúa Calexa. O encontro terá lugar no Multiusos Terras do Queixo.

Durante a sesión informativa, explicarase o alcance da intervención, os prazos previstos e os posibles efectos temporais no día a día da zona. A reunión contará coa participación do persoal técnico do Concello na área de Urbanismo, así como de representantes do goberno local, para resolver dúbidas e recoller achegas.

Publicidade

Preme na imaxe se queres contactar connosco.

"Convidamos a todas as persoas interesadas a participar nesta reunión aberta e a formar parte activa do proceso de mellora do noso concello", sinala o equipo de goberno.