Aparecen 41 bolos de herba seca rachados no municipio de Rodeiro

A afectada xa puxo denuncia no cuartel da Garda Civil

Laura Moure/Rodeiro

Os gandeiros en xeral non están pasando por unha boa situación económica e son distintas as reivindicacións que fan para defender a súa profesión. Marta Diéguez é unha gandeira do municipio de Rodeiro, que ademais dos obstáculos cos que se atopa no seu día a día como calquera outra compañeiro, encontrouse con 41 bolos de herba seca picados.

Publicidade

Preme na imaxe para obter máis información do evento.

Isto sucedeu no lugar de Bagarelas, na parroquia de Vilela e a escasos metros da casa da afectada. Por suposto, foi de noite, en concreto, na madrugada do pasado domingo e ao lado da estrada.

Preme na imaxe se queres contactar connosco.

Diéguez valora as perdas nuns 500 euros e sinala que ninguén escoitou nada, pero que desconfían de dúas persoas. Polo de momento, xa interpuxo a denuncia correspondente e os axentes da Garda Civil xa estiveron no lugar.

Marta Diéguez lamenta esta situación.