A Xunta concede o I Obradoiro de Emprego Terras de Camba I a Rodeiro, Agolada e Dozón

Contará cun máximo de 20 alumnos distribuidos en dúas especialidades: albanelería e forestal

Laura Moure/Deza

No pasado mes de marzo, o Concello de Rodeiro xunto cos concellos de Dozón e

Agolada solicitaron un obradoiro de emprego dual que leva por nome “Terras de Camba I”, o cal foi aprobado pola Xunta de Galicia neste mes, tal e como informa o alcalde de Rodeiro, José Luis Camiñas.

Polo tanto, estes tres concellos recibirán un importe de 411.928,00 euros para o

financiamento dos custos de formación profesional para o emprego, é dicir, para a a

realización do proxecto do obradoiro dual de emprego.

Este obradoiro contará cun máximo de 20 alumnos/as, traballadores/as, distribuidos en

dúas especialidades como son 10 prazas de albanelería e outras 10 para forestal. Dito proxecto, denominado “Terras de Camba I” terá como data prevista de inicio o día 2 de decembro do corrente, e como data final o día 1 de setembro do vindeiro ano cun total de 1.440 horas, tanto para formación como para a práctica. Dende estes tres concellos valoran de xeito positivo a formación do alumnado para súa volta ao mercado laboral e a partires do mes de outubro comezarán coa selección do alumnado.

Publicidade

Preme na imaxe se queres contactar connosco.

Camiñas así como o goberno municipal quere mostrar o seu agradecemento e afecto aos dous concellos participantes neste proxecto por tender a man e pola confianza depositada neste concello para poder liderar dita iniciativa.