A Axencia de Doazón de Órganos e Sangue anima a doar sangue co gallo das datas festivas do Entroido

 Esta semana precísase incrementar a participación do grupo A Positivo

Ecos da Comarca/Xeral

A Axencia de Doazón de Órganos e Sangue (ADOS), lembra a necesidade de doar sangue nestas datas de festividade do Entroido. Neste sentido, ADOS recorda que, todos os días do ano, precísanse entre 400 e 500 doazóns de sangue para cubrir axeitadamente as necesidades de compoñentes sanguíneos por parte dos nosos centros sanitarios.

Desde a Axencia de Doazón de Órganos e Sangue anímase a doar sangue a todos os galegos e galegas. Agasallarase cun doce típico destes días a todas as persoas que acudan a doar.

As unidades móbiles da ADOS efectuarán os seguintes desprazamentos, entre eles en Silleda e Melide: https://www.xunta.gal/notas-de-prensa/-/nova/010358/axencia-doazon-organos-sangue-anima-doar-sangue-gallo-das-datas-festivas-entroido

Publicidade    

Preme na imaxe se queres contactar connosco.

ADOS lembra que o chamamento á colaboración da cidadanía é xeneralizado aínda que esta semana precísase incrementar a participación do grupo A Positivo.

Para máis información, ADOS dispón do sitio web: ados.sergas.gal as redes sociais, e o teléfono gratuíto: 900 100 828, para resolver calquera dúbida relacionada coa doazón de sangue ou coñecer a data dos desprazamentos das unidades móbiles.