Carnicería Cardelle e a tenda de xoguetes Toysmaniatic foron galardoados, respectivamente, co 2º e 3º premio
Laura Moure/Melide
O xurado do Concurso de Escaparates de Melide, reunido esta mañá na Casa do Concello en deliberación, acordou conceder o primeiro premio do certame, por valor de 1.000 euros, ao comercio Mis Mejores Labores. Do mesmo modo, Carnicería Cardelle e a tenda de xoguetes Toysmaniatic foron galardoados, respectivamente, co 2º e 3º premio (500 e 250 euros).
![](https://static.wixstatic.com/media/0216be_088ec51b15d94d9597b78f5b68f99d77~mv2.png/v1/fill/w_980,h_543,al_c,q_90,usm_0.66_1.00_0.01,enc_auto/0216be_088ec51b15d94d9597b78f5b68f99d77~mv2.png)
Esta nova edición do concurso contou con dezanove establecementos participantes. O
Concello de Melide convidou, un ano máis, ao comercio local a participar da decoración de Nadal enfeitando os seus escaparates con motivos alusivos a estas datas. O xurado tivo en conta a orixinalidade e beleza das composicións dispostas nos establecementos gañadores.
O edil de Promoción Económica, Xosé Igrexas, salientou a participación e o bo nivel acadado no concurso deste ano. O concelleiro parabenizou aos comercios premiados, aos que se lle fará entrega dos distintos premios en vindeiras datas.
留言