Ecos da Comarca/Monterroso
![](https://static.wixstatic.com/media/0216be_b451482342fe4e77910ce58e60025c80~mv2.png/v1/fill/w_889,h_649,al_c,q_90,enc_auto/0216be_b451482342fe4e77910ce58e60025c80~mv2.png)
A Xunta de Goberno da Deputación de Lugo aprobou este venres a licitación por 640.000 euros para a mellora dun conxunto de estradas provinciais. Así o detallou o Deputado de Promoción Económica e Social, Pablo Rivera Capón. En concreto, licítanse traballos para viais que discorren polos municipios de Baleira, Ribeira de Piquín, O Saviñao e Monterroso.
En concreto en Monterroso mellorarase a estrada provincial LU-P-3305, que conecta Sastrexas con Ligonde. As actuacións renovarán o firme entre o quilómetro 5,3 e 8,9 cun orzamento que supera os 180.000 euros. O prazo de execución é de dous meses. “Neste caso, esta tamén é unha obra que completa a executada recentemente no tramo anterior a este, entre os quilómetros 4 e 5,3 cun investimento de 83.000 euros”, detallou o Deputado.
Comments